Абай атындағы Қазақ ұлттық педагогикалық университетінде «Заң мен тәртіп» қағидатын ілгерілетуге бағытталған «Тәртіпті өзіңнен баста!» тақырыбында қоғамдық дәріс ұйымдастырылды.
Бұл шараның негізгі мақсаты – студенттер арасында құқықтық мәдениетті қалыптастыру, қоғамдағы құқықтық тәртіпті нығайту, жастар арасындағы құқық бұзушылықтар мен тәртіпсіздіктердің алдын алу, сондай-ақ қоғамда заң мен тәртіп үстемдігін насихаттау болып табылды.
Қазақстанның жарқын болашағын құруда жастардың алатын орны ерекше. Бұл тұрғыда құқықтық тәртіптің сақталуы және жастардың заң алдындағы жауапкершілігін түсінуі маңызды факторларға жатады. Әрбір азаматтың, оның ішінде жастардың, құқықтық мәдениетінің жоғары болуы елдегі жалпы тәртіптің сақталуына әсер етеді. Университеттер мен білім беру мекемелерінде осындай дәрістер мен іс-шаралар өткізу – қоғамның құқықтық санасын қалыптастыруға бағытталған маңызды қадамдардың бірі.
Іс-шара барысында Алматы қаласы Әділет департаментінің бөлім басшысы Әділжан Талғатұлы және мүлікті мемлекет кірісіне айналдыру бөлімінің мемлекеттік сот орындаушысы Азамат Көпбаев студенттермен еркін пікір алмасып, әрбір азаматтың құқықтық тәртіпті сақтау және заң алдындағы жауапкершілігін түсіну маңызды екендігін атап өтті. Олар жастарды құқықтық мәдениетке, заңға құрмет көрсетуге, тәртіп бұзушылықтардан аулақ болуға шақырды.
Әділжан Талғатұлы өз сөзінде: «Құқықтық тәртіпті нығайту – тек мемлекеттік органдардың ғана емес, әрбір азаматтың да міндеті. Бұл дегеніміз – заңды құрметтеу, құқықтық сана мен мәдениетті дамыту. Студенттер – болашақ қоғам көшбасшылары, олар өз әрекеттерімен қоғамда тәртіп орнатуға үлес қосулары керек. Құқық бұзушылықтың алдын алу, тәртіпсіздікке жол бермеу – тек мемлекеттік органның ғана емес, әрбір азаматтың да жауапкершілігі», — деген пікірін білдірді.
Азамат Көпбаев та заңды орындаудың әрбір адамның міндеті екенін атап өтіп, жастарды заң бұзушылықтардан аулақ болуға, өзінің құқықтарын қорғап қана қоймай, басқалардың да құқықтарын құрметтеуге шақырды. Сонымен қатар, ол қоғамдағы тәртіпсіздікке қарсы күресте әр азаматтың белсенділігі аса маңызды екенін айтты.
Құқық бұзушылықтар қоғамның дамуына және оның ішкі тұрақтылығына зиян келтіреді. Сондықтан да студенттер арасында құқықтық тәртіптің сақталуы – бұл елдегі әлеуметтік тыныштықтың және халықтың құқықтық мәдениетінің деңгейін анықтайтын маңызды аспект. Әрбір азаматтың, оның ішінде жастардың, құқықтық білімді болуы және оны күнделікті өмірде қолдана білуі – еліміздің өркениетті дамуына елеулі үлес қосады.
Қоғамдық дәрісте айтылғандай, құқық бұзушылықтардың алдын алу тек жазалау шараларымен шектелмейді. Ол, ең алдымен, әр азаматтың құқықтық сана-сезімін дамыту, заңды құрметтеу, құқықтық мәдениетті жоғары деңгейде сақтау арқылы жүзеге асады. Тек осындай тәсілдер арқылы ғана жастар арасында құқық бұзушылықтар мен тәртіпсіздіктерді болдырмауға болады.
Құқықтық тәртіпті сақтаудағы басты фактор – бұл әрбір азаматтың заң алдындағы жауапкершілігі. Әрбір адамның құқықтары мен бостандықтары заңмен қорғалғанымен, оны дұрыс пайдалану, оны бұзбау да маңызды. Әр азамат өз іс-әрекетінде заңды ұстанып, қоғамда тәртіптің сақталуына үлес қосуы қажет. Қоғамдық дәріс барысында спикерлер осы мәселенің маңыздылығын ерекше атап өтіп, жастарды құқықтық мәдениетке, тәртіпке, заңға құрмет көрсетуге шақырды.
Қазақстанның болашағы – жастардың қолында. Сол себепті жастар арасында құқықтық тәртіп пен заңның үстемдігін насихаттау, құқықтық мәдениетті қалыптастыру – еліміздің дамуына қосқан үлкен үлес болады. «Тәртіпті өзіңнен баста!» шарасы осы бағытта жасалған маңызды қадамдардың бірі болып табылады. Мұндай іс-шаралар жастарды құқықтық сауаттылыққа тәрбиелеуде үлкен рөл атқарады, оларды өз құқықтарын білуге, сонымен қатар қоғам алдындағы жауапкершілікті сезінуге үйретеді.
Абай атындағы Қазақ ұлттық педагогикалық университетінде өткен бұл дәріс – еліміздегі құқықтық тәртіптің нығаюына, жастардың құқықтық мәдениетінің жоғарылауына, сонымен қатар, заң мен тәртіп үстемдігіне негізделген әділетті қоғамды құру жолындағы тағы бір маңызды қадам болды.
Ақбота Ерболқызы
