Украина Президенті Владимир Зеленский Ресейдің арнайы әскери операциясы басталғаннан кейін халқына бейнеүндеу жолдап, бүкіл елде әскери жағдай жарияланғанын мәлімдеді.
Осы оқиғаларға байланысты Қазақстанның Сыртқы істер министрлігі қазақстандықтарды Украинадан эвакуациялауды қамтамасыз ететінін хабарлады. Сондай-ақ, Қазақстан азаматтары Киев қаласы, Ильенко көшесі, 26 үй мекенжайы бойынша және +38 (067) 347 04 08 (WhatsApp, Viber), +38 (044) 483 15 96, +38 (044) 489 18 58 телефондары мен жедел желілер арқылы елшілікке хабарласа алатынын айтты.
Газеттің кезекті саны дайындалып жатқан уақытта осы мәселелерге байланысты ҚР Президенті Қ.Тоқаевтың баспасөз хатшысы Берік Уәлидің 24 ақпан кешкі 20:30-да Qazaqstan ұлттық телеарнасына арнайы сұхбат беретіні мәлім болды. Ол Қазақстанның Ресей-Украина қақтығысындағы ұстанымы қандай болатынын, сондай-ақ, қаңтар оқиғасына қатысты көпшіліктің көңіліндегі сауалдарға жауап беретінін хабарлады. Біз газеттің алдағы номерлерінде бұл мәселелерге қайта ораламыз. Әлемдегі және елдегі саяси ахуалдар журналистердің назарында.
Ж.Құдайберген
