Украинадағы қазақстандықтар үшін сайлау учаскесі ашылмайды. Бұл туралы ҚР Сыртқы істер министрлігі хабарлады, — деп хабарлайды Tengrinews.kz тілшісі.
«Украинадағы жағдайға байланысты бұл жолы сайлау учаскесін ашпадық. Сондықтан, олар қаласа көрші елдерге – Молдоваға немесе Польшаға барып, сол жерде дауыс бере алады. Бірақ ол үшін елшіліктерді алдын ала хабардар ету керек. Оларға бірқатар бюллетень дайындалды», — деді СІМ баспасөз хатшысы Айбек Смадияров.
Оның айтуынша, өткен президенттік сайлауда шетелде жүрген кейбір қазақстандықтарға бюллетень жетпей қалған.
20 қарашада Қазақстанда кезектен тыс президент сайлауы өтеді.
