Абай облысы бойынша ҚАЖ департаментінің Үржар аудандық № 1 пробация қызметінің есебінде тұрған сотталғандар арасында аудандық прокуратура өкілінің, аудандық мансап орталығының қызметкері және жеке сот орындаушысының қатысуымен жиналыс өткізілді. Жиналысқа пробация қызметінің есебінде тұрған 27 сотталған қатысып, өздерінің тұрақты жұмыспен қамтылуы және сот үкімі бойынша қарыздарын немесе кәмелетке толмаған балалардың жәрдемақыларын уақтылы аудару бойынша түсіндіру жұмыстарын жүргізді.Тұрақты жұмыспен қамту мақсатында пробация қызметінің есебінде тұрған екі сотталушы аудандық мансап орталығының қызметкерлері ұсынған тұрақты жұмысқа жолдама алды.
Жыл басынан бері пробация қызметінің есебінен 75 сотталған өтті, есептік кезеңнің соңында 41 сотталған есепте тұр. Пробация қызметінің есебінде тұрған барлық сотталғандар тұрақты жұмыс орындарымен қамтамасыз етілген. Жұмыссыз сотталғандар болған жағдайда пробация қызметі тиісті мекемелерге жүгінеді және олардың жұмыспен қамтылуы үнемі назарда болады, — Үржар ауданы пробация қызметінің бастығы Бауыржан Ерденбеков