Түркиядағы тау шаңғысы курортынан өрт шықты. Жергілікті БАҚ мәліметтері бойынша өрттен қаза тапқандар саны 60-тан асып кетті,- деп хабарлайды Massaget.kz тілшісі.
Түркияның Болу провинциясында 21 қаңтарға қараған түні әйгілі Карталкая тау шаңғысы курортында үлкен өрт болды. Қазақстанның Сыртқы істер министрлігі зардап шеккендердің арасында қазақстандықтар жоқ екенін мәлімдеді.
«Жергілікті биліктің алдын ала мәліметтері бойынша зардап шеккендердің арасында біздің елдің азаматтары жоқ», — деп жауап берді СІМ ресми өкілі Айбек Смадияров Tengrinews.kz-ке.
