Алматы қаласы бойынша ҚАЖД №11 мекемесіндегі сотталған балалар арасында Алматы қаласы №24 ҚП дәрігері Дүйсенбай Лаззат Берікқызы және фтизиатр дәрігері Бимбетова Әлия Тұрсынбекқызы құрамында туберкулездің алдын алу бойынша арасында ақпараттық-түсіндіру жұмыстарын өткізді.
Дәрігерлер балаларға туберкулездің алғашқы белгілері, медициналық көмекке уақытылы жүгінудің маңыздылығы және емдеудің тиімділігі туралы түсіндірді. Сондай-ақ мамандар жастар арасында салауатты өмір салтын ұстану туралы әңгімелесіп, олардың сұрақтарына жан-жақты жауап берді. Сотталған балалар жазасын өтейтін №11 мекемеде Денсаулық сақтау министрлігінің бұйрықтарымен бекітілген барлық норма қатаң сақталады. Балалар мекемеге келгеннен кейін үш тәулік ішінде флюорографиялық тексеруден өтеді және Қазақстан Республикасының Бас мемлекеттік санитарлық дәрігерінің қаулысымен белгіленген санитарлық-дезинфекциялық режимді сақтау жұмыстары қатаң қадағаланады.
