Мемлекеттік тіл еліміздің егемендігі мен біртұтастығының нышаны, ұлттық мәдениет пен руханияттың тірегі.
Қазақ тілі – ұлтымыздың ұлылығын, еліміздің ерекшелігін танытатын ата-бабамыздан қалған асыл қазына.Қазақ тілі өзінің ресми статусын бекітіп қана қойған жоқ, сонымер қатар шын мәнінегі қолданыс, қарым-қатынас тілге айналды.
Қазақ тілінің мемлекеттің тұтастығын қамтамасыз етудегі рөлі ерекше. Мемлекеттік тілдің мәртебесін арттыру үшін оның қолдану аясын кеңейту маңызды.
Тәуелсіздік мемлекеттік тілге көп мүмкіндік әкелді. Бұл үрдістен сот саласы шет қалмады. Мемлекеттік тілді дамытуға бағытталған іс шаралар үнемі сот саласының назарында.Сот істері мен іс жүргізу процестері, іс қағаздарының айналымы мемлекеттік тілге көшті.Соттар тарапынан басқа мемлекеттік мекемелерге сот өндірісіне барлық хаттар мен құжаттар мемлекеттік тілде жолдану қажеттілігі айтылып, қазақ тілін кеңінен пайдалану мақсатында дөңгелек үстелдер, кездесулер түріндегі іс-шаралар үнемі өткізілуде.
Қазақ тілі тек ресми құжаттар мен заң аясында ған емес, күнделікті өмірдің ажырамас бөлігіне айналуы тиіс.Өйткені тілдің дамуы-мемлекеттің дамуы.
Қазақ тілі ұлттың рухани байлығы, елдің тұтастығы мен болашағының кепілі.Оны сақтау және дамыту әрбір азаматтың парызы.Әрбр елдің қуатты күші, байлығы мен бақытты экономикалық, саяси-әлеуметтік даму деңгейімен ға емес, сонымен бірге мәдени, рухани өрісімен айқындалады. Ал мәдени мұра, рухани талғам тікелей тілге тәуелді екені белгілі. Тілі жоғалған ұлттың өзі де жоғалады.Ана тілін ұмытқан адам өз халқының өткенін де, болашағынан да қол үзеді.Ұлттық мәдениеттің гүлденуі мен адамдардың тарихи қалыптасқан тұрақты қауымдастығы ретінде ұлттың өзінің болашағы ана тілдің дамуына, оның қоғамдық қызметінің кеңеюімен тығыз байланысты.Сондықтан туған тілге деген сүйіспеншілік отбасынан тамыр алуы керек.
Ұлттық болмысымызды сақтап, тәуелсіздігімізді нығайтудың жолы — ана тілімізге деген құрмет пен қамқорлықтан басталатынын ұмытпайық.Туған тілімізді бағалайық, оны дамытуға, болашаққа алып баруға бірге ат салысайық.
Ақтөбе облысының кәмелетке толмағандардың істері жөніндегі
Мамандандырылған ауданаралық сотының судьясы
М.П.Уразалина.
