Әрбір халықтың болмысы мен рухани байлығы оның тілінде көрініс табады. Тіл – ұлттың жаны, тарихы мен мәдениетінің айнасы. Сондықтан тілдің мәртебесі жоғары болса, елдің де беделі биік болады. «Тіл мәртебесі – ел мерейі» деген сөздің мәні де осында жатыр.
Қазақ тілі – қазақ халқының ана тілі, ұлттық құндылықтарының негізі. Ғасырлар бойы ата-бабаларымыз осы тіл арқылы өз дәстүрін, салтын, тарихын ұрпақтан-ұрпаққа жеткізді. Халықтың жыр-дастандары, мақал-мәтелдері, шешендік сөздері – бәрі де тілдің байлығын көрсетеді. Сондықтан қазақ тілін құрметтеу – ата-баба аманатына адал болу деген сөз.
Тәуелсіздік алғаннан кейін қазақ тіліне мемлекеттік мәртебе берілді. Бұл – тіліміздің дамуына, қолданыс аясын кеңейтуге үлкен мүмкіндік ашты. Бүгінде қазақ тілі білім беру, мәдениет, ақпарат құралдары және мемлекеттік басқару салаларында кеңінен қолданылып келеді. Мемлекет тарапынан тіл саясатына ерекше көңіл бөлініп, түрлі бағдарламалар жүзеге асырылуда.
Тіл мәртебесін көтеру – тек мемлекетке ғана емес, әрбір азаматқа ортақ міндет. Әсіресе жастардың қазақ тілін құрметтеп, күнделікті өмірде белсенді қолдануы өте маңызды. Ана тілінде таза сөйлеу, дұрыс жазу, әдеби мұраларды оқу – тілдің дамуына қосылған үлкен үлес.
Қорытындылай келе, тіл – ұлттың ең басты байлығы. Тіліміздің мәртебесін көтеру арқылы біз елдің абыройын асқақтатамыз. Сондықтан әрбір азамат ана тілін қадірлеп, оны дамытуға өз үлесін қосуы тиіс. Тіл мәртебесі биік елдің мерейі де үстем болмақ.
Тараз қаласының, әкімшілік Құқық бұзушылықтар жөніндегі мамандандырылған соты әкімшісінің басшысы Әбілдабеков Тимур Қайратұлы
