1 маусым – халықаралық балалар күні мерекесінде Алматы қаласындағы Тергеу изоляторындағы балалар үшін де мереке ұйымдастырылды.
Қазіргі уақытта Алматы қаласы, Алматы және Жетісу облыстары бойынша ҚАЖ департаментінің № 72 мекемесінде тергеу-қамауына алынған кәмелетке толмаған он бала ұсталуда.
Мереке күні кәмелетке толмаған жасөспірімдерге түрлі тәттілерден сыйлық таратылып, оларға балалар мерекесінің қуанышын сезінуге мүмкіндік туды.
«Кәмелетке толмаған айыпталушылармен жаңа өмір жағдайына бейімделуге және олардың бойында адамгершілік пен мәдени келбетті қалыптастыруға, құқықтық сананы арттыруға бағытталған мәдени-тәрбие жұмыстары жүйелі түрде жүргізіледі.
Мұндай жауапты жұмыстың тиімділігі тергеу изоляторы қызметкерлерінің кәсіби шеберлігіне де тікелей байланысты»-дейді сотталғандар арасындағы тәрбие жұмысын жүргізу бөлімінің инспекторы әділет капитаны М. Жанырбаева.
