Депутат Сырым Ертаев мәжілісте өткен үкімет сағатында Өзбекстан астанасына барып келетін ұшақ билеті тым қымбат екенін айтты.
«Fly Arystan ұшағымен Түркістаннан Ташкентке бару билеті – 25 мың теңге, ал қайтып келу билеті 250 мың теңге шамасында. 10 есе жоғары баға. Неліктен? Кім қадағалайды? Сырттан туристердің келуіне де кедергі ғой. Бұл мәселе халықпен кездесуде көтерілген болатын», — деді депутат.
Бұл сауалға индустрия және инфрақұрылымдық даму министрлігінің өкілі жауап берді.
«Бұл ақпаратты біз тексерейік. Олардың билетті он есе қымбаттатуға құқығы жоқ», — деді министрлік өкілі.