Синоптиктер 14, 15, 16 желтоқсанға арналған ауа райы болжамын жариялады, — деп хабарлайды Massaget.kz тілшісі.
Республиканың басым бөлігіне солтүстік циклон әсер етеді.
14-15 желтоқсанда жаңбыр мен қар түрінде жауын-шашын, кейде нөсер жауады деп болжанады.
16 желтоқсанда еліміздің шығысында, оңтүстік-шығысында қалың қар жаууы мүмкін. Республика бойынша көктайғақ, тұман түсіп, жел күшейіп, боран күтіледі.
«Еліміздің солтүстік-батысында түнде ауа температурасының 10-18 аязға дейін, солтүстігінде, орталығында 15-25 аязға дейін, республиканың оңтүстігінде, оңтүстік-шығысында 10-17 аязға дейін, таулы аудандарда 20-27 аязға дейін төмендеуі күтіледі», — деп жазылған хабарламада.
