Наурыз мерекесі жалпы түркі халықтарының мерекесі, ұрпақтар жалғасы, рухани қазына болып табылады. Аталмыш мереке ел бірлігіне, тыныштығына ықпал етеді.
16 наурыз күні №28 түзету мекемесінде мұғалімдердің ұйымдастыруымен Ұлыстың ұлы күні — Наурыз мерекесі атап өтілді.
Мерекені №28 түзету мекемесінің тәрбие ісі жөніндегі бөлімнің бастығы әділет капитаны Даулетов Мейрамбек пен ОКП меңгерушісі Қайырболат Қуанұлы құттықтау сөз сөйлеп ашты.
Мерекелік шара концерттік бағдарламамен жалғасты. Концерттік бағдарлама барысында, оқушылар өз өнерлерін ортаға салып, ерекше көңіл күй сыйлады.
“Асық — қазақ халқының ұлттық ойындарының бірі”. Оқушылар арасында асық ату ойыны мен күш сынасу ұйымдастырылды. Ұлттық әдет-ғұрып пен салт-дәстүрден сыр шертетін әндер айтылып, қазақы ойындар да назардан тыс қалмады. Оқушылар асық ату, білек сынасудан бақ сынасты.
Қыстан аман-есен шығып, мал тұяғы көкке, аузымыз аққа ілінетін Жаңа жылымыз жаңа табыстарға жетелесін!
