Ақтөбе облысы бойынша ҚАЖ департаментіне қарасты Мәртөк аудандық Пробация қызметінің есебінде тұрған сотталған азаматтарды жұмысқа орналастыру үшін жұмыс орындарының квотасын орындау туралы кеңес отырысы Мәртөк аудандық әкімдігінде өтті.
Кеңесті ашқан Мәртөк ауданы әкімінің орынбасары Қайрат Әлжан, аудан әкімінің 271 санды 2022 жылғы қаулысына сәйкес, Мәртөк аудандық пробация қызметінің есеінде тұрған азаматтарды жұмысқа орналастыру үшін жұмыс орындарының 2023 жылға арналған квотасы белгіленгені және квота мөлшері 2 пайызды құрайтындығын айта келіп, жұмыс беруші мекемелердің тізімдерін атады.
Кеңес отырысында сонымен қатар, жұмыс берушілер тарапынан ҚР Еңбек кодексі талаптарының сақталуы, есепте тұрған азаматтарға уақытылы еңбекақы төлеу, жұмыспен қамту мәселелері де талқыланды.
Гүлфайруз Төремұратова,
Ақтөбе облысы бойынша ҚАЖ департаментінің баспасөз хатшысы
