Түркістан облысының полицейлері 5 ай бойына жүргізілген «Қарасора-2022» жедел-профилактикалық іс-шарасының қорытындылады. Нәтижесінде Түркістан облысы Полиция департаментінің құрылымдарымен барлығы 111 есірткі қылмысы анықталды.
Оның ішінде 8 дерегі есірткіні сату болса, тағы 8 дерегі аса ірі көлемде сақтау, 57-сі есірткі егу, 35-і есірткі контрабандасы болып табылады. Заңсыз айналымнан 329,4 келі есірткі заттары алынды. Сондай-ақ 72 тоннадан асатын прекурсорлар (күкірт, тұз қышқылдары), 518 психотроптық дәрілер тәркіленді. Іс-шара кезінде жалпы 200 мыңнан астам есірткі түптері жойылды.. Одан басқаТүркістан облысы Полиция департаментінің қызметкерлері мен ҚР ІІМ ЕҚҚІҚД, ҰҰ Гвардиясының МИ-Е тікұшағымен облыс аумағындағы аудандарда есірткі егуге ықтимал жерлерге әуемен барлау жұмыстары жүргізілді. Нәтижесінде 7 есірткі егу алқаптары анықталды, 6 күдікті ұсталды. «Қарасора-2022» іс-шрасы кезінде есірткімен байланысты деректер бойынша 202 тұлға ұсталды.
Полицейлермен басқа да ведомство өкілдері бірлесіп, нашақорлыққа қарсы 94 профилактикалық іс-шаралар ұйымдастырылды. Оған 35 000-нан астам оқушылар мен студент жастар қатыстырылған.
Түркістан облысы ПД баспасөз қызметі
