Сайрам ауданының Әйелдерді зорлық-зомбылықтан қорғау тобының инспекторы полиция аға лейтенанты Абдухамид Абибуллаев пен аудандық әлеуметтік-психологиялық сүйемелдеу орталығының әлеуметтік инспекторы Мақсат Қалыбеков, психолог маманы Арайлым Худайбергенованың ұйымдастыруымен жастардың қатысуында ауқымды іс-шара өткізілді. Кездесу жиыны Ақсукент ауылында орналасқан Е.Сарманов атындағы колледжде өтті.
Негізгі мақсат — «Зорлық-зомбылықсыз 16 күн!» акциясы аясында, жастарға тәлім-тәрбиесі, мән-мағынасы бар дүниелер айтып, құқықтық сауаттылық мәселесі жөнінде сұқбат өрбіту.
Кездесу барысында құқық бұзушылық, ертежүктілік, аутодеструктивті мінез-құлықтың алдын-алу мәселелері еркін түрде талқыланды. Тұрмыстық зорлық-зомбылық, оның түрлері және алдын алу бойынша өткізіліп жатқан іс-шаралар айтылып, түсіндірме жұмыстары жүргізілді.
Түркістан облысы ПД баспасөз қызметі
