«Участок» ЖПШ, сондай-ақ прокурорлық тексеру жүргізу шеңберінде сотталғандар тарапынан құқық бұзушылықтардың алдын алу және қайталама қылмыстардың алдын алу мақсатында СҚО бойынша ҚАЖД Мамлют ауданының пробация қызметінің қызметкерлері Мамлют ауданы прокуратурасының прокуроры, 3-сыныпты заңгер Ж.Б. Сәрсекеевамен бірлесіп тұрғылықты жері бойынша сотталғандарды тексеруді жүзеге асырды. Тексеру барысында есепте тұрған тұлғаларға жазаны өтеу тәртібі, күнделікті өмірдегі мінез-құлық ережелері, қоғамдық тәртіпті бұзғаны үшін жауапкершілік, сондай-ақ құқыққа қайшы мінез-құлықтың салдары түсіндірілді. Прокурор сотталғандарға ҚР ҚАК-нің 67 және 68-баптарын (жазаны өтеу тәртібі мен шарттарын бұзғаны үшін жауапкершілік) қосымша жеткізіп, әрбір сотталғанның қол қойғызып таныстырды.
Өткізілген іс-шаралар барысында прокурор сотталғандардың шағымдарының, сондай-ақ жазасын өтеу жөніндегі мәселелердің бар-жоғын анықтады. Кездесу қорытындысы бойынша прокурор сотталғандардың барлық сұрақтарына толық жауап берді.
Мамлют ауданының
ПҚ бастығы
әділет подполковнигі А.Сеитова
