Сотталған азамат жаза мерзімін өтеп бостандыққа шықты

Қызылорда облысы бойынша Қылмыстық-атқару жүйесі департаментіне бағынысты қауіпсіздігі барынша төмен №37 түзеу мекемесінде «Қақпа алдында кездесу» әлеуметтік жобасы аясында мерзім соңымен босатылған азаматқа түсіндірме жұмыстары жүргізілді. 
Іс-шараға Қызылорда қалалық пробация қызметі, Қылмыстық жазасын өтеген адамдарды әлеуметтік бейімдеу оңалту орталығының мамандары, САӘПТЖЖБ-нің босатылатын сотталғандардың тұрмыстық және жұмысқа орналастыру жөніндегі инспекторы әділет аға лейтенанты Ж.Арыстанова қатысты. Өз кезегінде сала мамандары құқықтық көмек бойынша қажетті ақпараттар беріп, оларға қайта қылмыс жасамауға шақырды. Бүгін бостандыққа шығып жатырмын. Абайсызда жол көлік оқиғасын жасадым.Кінәмді мойындаймын. Мамандардан бостандыққа шыққан соң қайда бару қажет екенін, қандай құжаттар керек екенін білдім. Ендігі жерде заң бұзбай, отбасыма көңіл бөлетін боламын,- деді сотталған азамат.