Қызылорда облысы бойынша Қылмыстық-атқару департаментіне қарасты ЗК-169/1 тергеу мекемесінде 1- мамыр «Қазақстан халқының бірлігі» мерекесіне орай, спорттық іс-шара өтті.
Бұл іс шара мекенің АКАӘПТБ-інің жоспарына сай, Қызылорда облыстық денешынықтыру басқармасы әдіскерлерімен бірлесе отырып ұйымдастырылды. Өткізілген жарысқа мекеменің шаруашылық бөліміне қалдырылған сотталған азаматтары қатысты. Іс- шараның мақсаты: бірлік мерекесін атап өте отырып, қамаудағы азаматтар арасында өзара достық қарым-қатынасты нығайту, ауызбірлікке шақыру, салауатты өмір салтын насихаттау болып табылады. Шара барысында, олар волейбол мен футболдан жарысқа түсті. Жарыс тартысты өтті.
Жеңген топтың топ басшыларына кубок пен мақтау қағаздары тапсырылды.Бұл жарыс бізді сергітіп, жақсы көңіл -күй сыйлады. Мен өзбек азаматымын.
Барша Қазақстандықтарды 1- мамыр мерекесімен құттықтаймын. Қонақжай, бауырмал қазақ елінде әртүрлі ұлт өкілдері, бір шаңырақтың астында тату-тәтті өмір сүріп жатыр. Осы бірлігіміз арта берсін. Мен өзбек болсам да, Қазақстанда тұрғандықтан жергілікті халықтың салт-дәстүрі мен тілі, әдет-ғұрыптарына құрметпен қараймын. Бұндай көзқарасты ұстануды өзімнің ел бірлігін арттырудағы азаматтық үлесім деп ойлаймын — дейді, Б есімді жазасын өтеуші. Спорттық іс- шаралар, сотталғандарды ынталандырып, жақсы мінез-құлықта болуға бағыттайды. Біздің мақсатымыз, бас бостандығынан айрылған азаматтарды қоғамға қайта бейімдеу.
Ал, спорттық іс-шаралар олардың бостандыққа шыққан соң, салауатты өмір салтын ұстануға жетелейді- дейді,бөлім бастығы әділет капитаны А. Тұрманов.