Ағымдағы жылдың қыркүйек айында Қызылорда облысы бойынша ҚАЖ департаментіне қарасты №37, №60 мемлекеттік мекемесінде психологияға қызығушылық танытқан сотталғандар арасында психологиялық клуб құрылған болатын.
Бүгін №60 мекемеде психологиялық клубтың кезекті отырысы өтті. Шараға Үкіметтік емес ұйымдардың ресурстық орталығының сектор басшысы Қаратайұлы Шакизат және осы орталықтың аға сарапшысы Ахметова Айжамал қатысты.
Өткізілген іс-шараның басты мақсаты- білім мен дағдыларды біріктіру. Кезекті сабақ клуб мүшелерінің қатысуымен «Жанжалсыз өмір сүр» тақырыбында өтті. Сабақ барысында сотталған азаматтармен эмоциялар мен сезімдерді түсіну және білдіру дағдыларын қалыптастыруға, жанжал жағдайында сенімді мінез-құлыққа, жеке қасиеттер туралы білімді қалыптастыруға арналған тренинг жаттығулары жүргізілді. Сонымен қатар клуб мүшелерінің арасында топтық пікір-талас өтті.
Шара соңында сала мамандары тарапынан сотталған азаматтарға психологиялық кеңестер беріліп, сотталған азаматтар көкейлерінде жүрген сұрақтарына қойып, тұщымды жауаптарын алды.
Дана Достанова
Қызылорда облысы бойынша ҚАЖД
