Шымкентте үш бала көліктің жүксалғышына кіріп, қайта шыға алмай қалған. Балалардың екеуі оқиға орнында жан тапсырған, деп хабарлайды Stan.kz ақпарат агенттігі.
Қайғылы оқиға 19 мамыр күні болған. Ата-аналарының жоқ екенін пайдаланған балалар көліктің жүксалғышына кірген. Алайда қайта шыға алмай қалған.
«Екі бала сол жерде мерт болды, үшінші бала бүгін жансақтау бөлімінде қаза тапты», – делінген қалалық полиция департаментінің хабарламасында.
Қазір аталған дерек бойынша сотқа дейінгі тергеу басталды. Істің мән-жайы анықталып жатыр.
