Сыртқы істер министрлігі президент сайлауында шетелде дауыс берген қазақстандықтардың саны туралы мәліметті ұсынды, — деп хабарлайды Tengrinews.kz тілшісі.
«Шетелдік мекемелерде 53 учаскеде 68 учаскелік сайлау комиссиясы ашылды, сайлаушылардың жалпы саны 12 841 адам», — деді Сыртқы істер министрлігінің ресми өкілі Айбек Смадияров.
Шетелдегі барлық учаскелік сайлау комиссиялары өз жұмысын аяқтады.
«Қазақстанның 11 360 азаматы дауыс берді, ол 88,47 пайызы. Қазақстан Республикасы азаматтарының басым бөлігі Ресейде — 2 600 адам дауыс берді. Дауыс берушілер саны бойынша Түркия екінші орында — 1 423 адам, Өзбекстан үшінші орында болды – 591 адам», — деді СІМ өкілі.
