Шығыс Қазақстан облысында 2-7 қыркүйек аралығында болған бес өрттен келген шығын бір миллиард теңгеден асады. Бұл туралы облыстық орман инспекциясы мәлімдеді, — деп хабарлайды Tengrinews.kz тілшісі YK-news.kz басылымына сілтеме жасап.
Басылым мәліметінше, комиссия аяқтаған тергеу нәтижелері бойынша өрттің шығуына қолайсыз ауа райы, қатты екпінді жел мен құрғақ ыстық ауа-райы себеп болса, ал өрттің таралуына жетуге қолайсыз таулы жер мен өрт ошағына жақын жерде су алатын жердің болмауы себеп болған.
Департамент өрттің шығуына ауылшаруашылық техникасын ұшқын сөндіргішсіз пайдалану, сондай-ақ тұрмыстық қоқыстарды жағу себеп болуы мүмкін екенін айтады.
«Нақты себебін анықтау үшін барлық материалдар құқық қорғау органдарына тапсырылды», — деп қорытындылады инспекция.
Еске салайық, қыркүйекте болған орман өрттерінің жалпы ауданы 11 мыңнан аса гектарды құрады, оның 6500 гектары орманды алқап. Ал өртті сөндіруге 31 миллион теңге жұмсалды.
