Шығыс Қазақстан облысында көші-қон заңнамасын бұзған 115 шетелдік жауапқа тартылды.
ШҚО Полиция департаменті баспасөз қызметінің мәліметіне сүйенсек, 1-5 ақпан аралығында өңір бойынша «Мигрант» жедел алдын алу шарасы жүргізілген. Осы уақыт аралығында тәртіп сақшылары көші-қон заңнамасын бұзған 232 адамды әкімшілік жауапкершілікке тартты. Оның ішінде 115 шетелдік азамат бар.
«Заңды сақтамаған шетелдіктердің 113-і әкімшілік жауапкершілікке тартылды. Ал 2 адам (Ресей мен Өзбекстан азаматтары) елден шығарылды», — деді ШҚО ПД Көші-қон қызметі басқармасының бастығы Ербол Бекпаев.
Сонымен қатар жедел алдын алу шарасы барысында жеке басын анықтау үшін қабылдау-бөлу мекемесіне 2 адам орналастырылған. Криминалдық полиция қызметкерлері қылмыс жасағаны үшін іздеуде жүрген Қазақстан Республикасының 1 азаматын ұстады.
Талғатжан МҰХАМАДИЕВ
Шығыс Қазақстан облысы
