ЖОҒАРҒЫ СОТТА СОТ ЖҮЙЕСІН ОДАН ӘРІ ЖАҢҒЫРТУ МӘСЕЛЕСІ ТАЛҚЫҒА САЛЫНДЫ. ІС-ШАРАҒА ПАРЛАМЕНТ СЕНАТЫНЫҢ КОНСТИТУЦИЯЛЫҚ ЗАҢНАМА, СОТ ЖҮЙЕСІ ЖӘНЕ ҚҰҚЫҚ ҚОРҒАУ ОРГАНДАРЫ КОМИТЕТІНІҢ ТӨРАҒАСЫ ВЛАДИМИР ВОЛКОВ БАСТАҒАН ДЕПУТАТТЫҚ ТОП ҚАТЫСТЫ.
Кездесу алдында депутаттар коммуникация орталығының жұмысымен танысып, үйлестіруші-судьялар мен соттағы баспасөз қызметінің тынымсыз жұмысынан жан-жақты хабардар болды. Атап айтқанда, олардың БАҚ және әлеуметтік желілерде белсенді құқықтық түсіндіру жұмысы, өтініштерге жедел ден қою, резонанстық іс бойынша сот актісін шығарған судьялардың фейсбуктегі тікелей
эфирінде брифингтер өткізу тәжірибесі сөз болды. Соттардың талап арыздарды қайтаруы, тараптар өкілдерінің еңбегіне ақы төлеу, қоса берілетін файлдардың көлемін ұлғайту және сот төрелігін дамыту туралы басқа да ұсыныстар туралы талдамалық қорытындылау нәтижелері бойынша Жоғарғы Соттың бірқатар судьясының БАҚ-та және әлеуметтік желілерде сөйлеген сөздері мысал ретінде көрсетілді.
Ахуалдық орталықта депутаттар заңдарға және сот төрелігінің сапасы жөніндегі комиссияға қатысты түзетулермен, ЖС сайтындағы «Қазақстанның сот төрелігі: шындықтары, трендтері, перспективалары» электрондық жинағының мазмұнымен танысты. Жинақ жылына екі рет жаңартылып, сот жұмысының қорытындысымен, жобалармен және міндеттермен, бір сөзбен айтқанда, сот жүйесінде болып жатқан барлық оқиғалармен таныстырады. Соттардың қызметін қамтамасыз ету департаментінің басшысы Наиль Ахметзакиров карантин кезеңіндегі соттардың жұмысы туралы сөз қозғай отырып, адамдардың денсаулығы мен қауіпсіздігін қорғау үшін соттардың жұмысын бұғаттаудың қажетті шараларға қатысты 2020 жылғы 10 маусымдағы СЕРЕЈ (Страсбург) ұсыныстары туралы атап өтті. Спикердің айтуынша, республика соттарының іс жүргізуінде карантинге дейін 106 мыңға дейін іс пен материал болған, күніне 15 мыңнан астам адамның қатысуымен 4-5 мың сот отырысы өткен.
Қазір «Сот кабинеті» электрондық құжаттардың 95 пайызын қабылдайды, күніне 4500-ге дейін процесс жүргізіледі. Бұл ретте отырыстардың 99,5%-ы онлайн өтеді және Н.Ахметзакиров атап өткендей, соңғы уақытта тараптар сот талқылауына жеке қатысусыз қатысуға белсенді түрде ниет білдіріп отыр. Құқық бөлімінің меңгерушісі Асылбек Мүсірәлиновтің айтуынша, судьялық қызмет беделінің өсуі сот корпусына іріктеу жүйесінің әділ өтуіне тікелей байланысты. Соған орай, судьяларды іріктеу жүйесін жетілдіріп, сот билігі мен судьялар тәуелсіздігін қамтамасыз ету қажет. Сондай-ақ тергеу сотының жұмысын оңтайландыру, қылмыстық іс жүргізу заңнамасын, азаматтық процесті және әкімшілік саясатты дамыту, соттардағы мемлекеттік баж мөлшерлемесі және отбасылық соттардың жұмысы туралы сөз болды.
Кездесуде сөз сөйлеген Жоғарғы Сот төрағасы Жақып Асанов әзірленген заң жобаларының өзектілігіне тоқталып, олардың сот төрелігі мен жалпы судьялар корпусының сапасын жақсартуға бағытталғанын атап өтті. «Қызмет көрсету сапасын басқарудың нақты жүйесін әзірлеп, енгізе отырып, біз Мемлекет басшысы қойған азаматтардың соттарға деген сенімін арттыру стратегиялық міндетін шешуге үміттенеміз», – деді Ж.Асанов қорытынды сөзінде. Өз кезегінде депутаттар сот өзгерістерінің прогрессивтілігін жоғары бағалады.
Жоғарғы Соттың баспасөз қызметі
