Біртұтас тәрбие бағдарламасына сәйкес Абай облысы бойынша ҚАЖД-нің №20 мекемесінде наурызнама бойынша 23 наурыз – Тазару күні сотталғандар арасында өтті. Наурызнаманың қорытынды күні, жаңа жылды тұтас ел болып, жаңа мақсат, жаңа үмітпен қарсы алудың символы ретінде етіп жарияланады. Бұл күні Қазақстанның барлық аймақтарында жалпыұлттық экологиялық акция өтеді.
Тазару рәсімі – үй-жайды, аулаларды тазалап, бұлақтар мен арықтарды аршу, табиғатты қорғау әрі өткеннің сарқыншағынан құтылуды білдіреді. Бұл – табиғатпен үндес болу қажеттігі мен адамның айналасындағы әлемнің бір бөлшегі екенін еске салатын күн. Бақыт пен береке тазалық пен шынайылық орнаған жерге қонады, — деп атап өтті мекеме бастығының орынбасары Ерсін Ахметжанов.
