Тыйым салынған заттарды алып өтудің тағы бір әрекетін «ЕС-164/8 мекемесі» РММ-нің қызметкерлері тоқтатты. Сотталғанға берілген сәлемдемені тексеру кезінде екі шағын термостан «Трамадол» синтетикалық анальгетиктің 20 таблеткасы, «ALTEL» және «Tele2» ұялы операторларының екі SIM картасы бар «Nokia» телефоны, USB кабелі және алдын ала деректер бойынша, есірткі болып табылатын, шығу тегі белгісіз зат табылды және анықтау үшін сараптамаға жіберілді.
Егер зат шын мәнінде есірткі болып шықса, жөнелтуші «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» ҚР ҚК-нің 297- бабы бойынша қылмыстық жауапкершілікке тартылады. Мүлкі тәркіленіп, бес жылдан он жылға дейінгі мерзімге бас бостандығынан айыруға жазаланады.
