Қылмыстық жазасын өтеген азаматтарды қоғамға қайта бейімдеу- қазіргі таңда маңызды міндеттердің бірі. Осы бағытта аудандық және қалалық пробация қызметтерінде жүйелі жұмыстар жүргізілуде. Бүгін Қызылорда қалалық пробация үйінде Қылмыстық жазасын өтеген адамдарды әлеуметтік бейімдеу мен оңалту орталығының психологы З.Бисекова мен пробация қызметінің инспектор-психологы Г.Жылқаманова пробация есебінде тұрған тұлғаларды қабылдады. Пробация есебіндегі азаматтардың мінез-құлық ерекшеліктерін зерделеу мақсатында психологиялық тест жұмыстарын жүргізді.
Психологиялық тест нәтижелеріне қарай, есептегі тұлғаларды түзу жолға бейімдеу мақсатында әртүрлі тәрбие лік бағытта жұмыстар жүргіземіз. Жалпы алғанда, бұндай оңалту шаралары олардың қоғамға тез бейімделуіне және өмірге деген көзқарасы өзгеріп, болашаққа сенімі артады,-дейді психолог Гүлзинат Жылқаманова.
Мен бүгін психолог қабылдауында болдым. Бұл маған өзімді жақсырақ түсінуге көмектесті. Жасаған қателіктерімді ойланып, дұрыс шешім шығарып, қайта қылмыс жасамау керектігін түсіндім. Психологиялық тұрғыдан көмек көрсетіп жатқан пробация қыметі мен психологтарға алығыс айтамын, -деді есептегі азамат.
