«Біз азаптауға қарсымыз» қоғамдық бірлестігінің өкілі Бауыржан Мусин Алматы және Жетісу облыстары бойынша ҚАЖД №10 мекемесі жанындағы «Балалар үйіне» келді.
Сапар барысында құқық қорғаушы ҚАЖД бастығының м. а. Бақытжан Шәріпбековпен бірге мекемедегі балалар қалашығын аралап шықты. Сонымен қатар, сотталған әйелдермен жеке мәселелер бойынша сұхбат өткізді.
Қоғамдық бірлестік балаларға арнап кәсіби аниматорлардың қойылымын ұйымдастырды. Сондай-ақ, балаларға киім, аяқ киім және ойыншықтар табыстап, гуманитарлық көмек көрсетті.
Іс-шара ҚАЖ мекемелеріндегі жағдайды сауықтыру бойынша 2023-2025 жылдарға арналған Жол картасын жүзеге асыру аясында өткізілді.
