Әл-Фараби атындағы Қазақ ұлттық университеті әлемдік деңгейде жоғары сапалы білім беру мен ғылым саласында үлкен жетістіктерге жеткен білім ордасы ретінде, Біріккен Ұлттар Ұйымының (БҰҰ) тұрақты даму мақсаттарын (ТДМ) іске асыруда да маңызды қадамдар жасап келеді. 2015 жылы БҰҰ 2030 жылға дейінгі тұрақты даму мақсаттарын жариялаған болатын, олардың ішінде 17 негізгі мақсат бар, олар әр түрлі аспектілерде әлеуметтік, экономикалық және экологиялық тұрақтылықты қамтамасыз етуге бағытталған. ҚазҰУ осы мақсаттарды іске асыру үшін өзінің білім беру, ғылыми-зерттеу және қоғамдық қызметін үйлестіріп отыр.Университет тұрақты даму мақсаттарын іске асыруды білім беру жүйесіне енгізу үшін түрлі оқу бағдарламалары мен курстар әзірледі. Оқу ордамыз білім алушыларын ТДМ туралы ақпараттандыруды және оларды осы мақсаттарға жету үшін қажетті біліммен қамтамасыз етуді басты міндеті деп санайды. ҚазҰУ студенттері өздерінің оқу барысында экология, әлеуметтік әділеттілік, экономика және қоғамның дамуында тұрақтылыққа әсер ететін негізгі мәселелермен танысуда. Университетте экология, тұрақты даму, жасыл технологиялар және әлеуметтік жауапкершілік тақырыптарын қамтитын арнайы курстар ұсынылады. Сонымен қатар, ҚазҰУ халықаралық және ұлттық деңгейде тұрақты даму мақсаттарын қолдайтын бағдарламалар мен жобаларды жүзеге асырып, болашақ мамандарды жауапкершілік пен инновацияға тәрбиелейді. Тұрақты даму мақсаттарының ішінде экологиялық тұрақтылыққа ерекше мән беріледі. Білім алушылар өзінің кампусында экологияны сақтауға бағытталған бірқатар шаралар қабылдап, университет аумағында жасыл желектерді көбейту, энергия үнемдеу және қалдықтарды өңдеу сияқты экологиялық бастамаларды жүзеге асырып келеді. Мысалы, университеттің «жасыл университет» жобасы аясында ағаш отырғызу акциялары, қоршаған ортаны қорғау және қалдықтарды қайта өңдеу бойынша семинарлар мен тренингтер ұйымдастырылды. Университеттің кампусында энергия үнемдеуді қамтамасыз ететін заманауи технологиялар орнатылып, құрылыс пен қызмет көрсету саласында экологиялық стандарттар енгізілуде. Осылайша, қара шаңырақ өз аумағында экологиялық тұрақтылықты сақтап, осы арқылы білім алушыларға тұрақты даму қағидаттарын насихаттап келеді.
ҚазҰУ әлеуметтік тұрақтылыққа да үлкен көңіл бөледі. Әлеуметтік теңдікті қамтамасыз ету және барлық топтардың құқықтарын қорғау бағытында университетте түрлі бастамалар жүзеге асырылуда. Университет студенттері мен оқытушылары арасындағы инклюзивті мәдениетті дамыту үшін университетте мүгедектігі бар студенттерге арнайы жағдайлар жасалған, олардың білім алуына барынша қолайлы орта қалыптастырылған. Студенттер мен оқытушылар аз қамтылған және әлеуметтік тұрғыдан осал топтарға көмек көрсету мақсатында өз уақыттарын, күш-жігерін арнап, қайырымдылық іс-шараларын өткізеді. Сонымен қатар, университет қала және ауыл тұрғындарымен тығыз байланыста болып, әлеуметтік даму бағытындағы бірқатар жобаларды қолдайды. Заң факультеті қылмыстық құқық, қылмыстық іс жүргізу және криминалистика кафедрасы тұрақты даму мақсаттарының жүзеге асырылуына өз үлесін қосуда. Кафедра білім беру бағдарламалары, ғылыми-зерттеу жұмыстарымен қатар экологиялық, әлеуметтік және құқықтық тұрақтылықты қамтамасыз ету бағытында түрлі бастамаларды қолдайды. Кафедрамыздың білім алушыларын құқықтық біліммен ғана емес, сонымен қатар қоғамның тұрақты дамуына жауапкершілікпен қарауға тәрбиелейді.
ҚазҰУ тек білім ордасы ғана емес, сонымен бірге еліміздегі тұрақты дамудың қозғаушы күші болуға ұмтылып келеді. Осылайша, университет өзінің барлық іс-шараларымен қоғамның дамуында үлес қосып, болашақ ұрпаққа тұрақты даму қағидаттарын ұғындыруда маңызды рөл атқаруда. Осылайша, университет еліміздің тұрақты даму мақсаттарына жету жолындағы маңызды құрамдас бөлігі болып табылады.
Г.Н.Мухамадиева
Әл-Фараби атындағы ҚазҰУ Заң факультеті қылмыстық құқық, қылмыстық
іс жүргізу және криминалистика кафедрасының доценті,з.ғ.к
А.А.Қайрылхан
Әл-Фараби атындағы ҚазҰУ Заң факультетінің студенті