Салауатты өмір салтын ұстану – әрбір адамның денсаулығы мен өмір сүру сапасын жақсартудың басты шарты. Қазақстанда халықтың денсаулығын нығайту және жалпы әл-ауқатын арттыру мақсатында түрлі мемлекеттік бағдарламалар мен бастамалар жүзеге асырылуда.Салауатты өмір салты – бұл дұрыс тамақтану, дене белсенділігі, зиянды әдеттерден бас тарту және психологиялық тепе-теңдікті сақтау сияқты факторларды қамтитын кешенді ұғым. Ол адамның физикалық және психикалық денсаулығын нығайтуға, өмір сүру ұзақтығын арттыруға және жалпы қоғамның әл-ауқатын жақсартуға ықпал етеді. БҰҰ-ның Тұрақты даму мақсаттары шеңберінде белсенді жұмыс атқаруда. ТДМ 3 – «Жақсы денсаулық және салауатты өмір салты» мақсатына сәйкес, университет білім беру мен ғылымды ғана емес, қоғамдағы денсаулық сақтау мәселелерін шешуге де үлес қосуда. Бұл бағытта ҚазҰУ-да көптеген шаралар мен жобалар жүзеге асырылып келедіДүниежүзілік денсаулық сақтау ұйымының (ДДСҰ) мәліметтері бойынша, көптеген аурулардың алдын алуға дұрыс тамақтану, тұрақты дене белсенділігі және зиянды әдеттерден бас тарту арқылы қол жеткізуге болады. Қазақстан бұл бағытта белсенді түрде жұмыс атқаруда.
Қазақстанда халықтың денсаулығын нығайтуға бағытталған бірқатар мемлекеттік бағдарламалар қабылданды. Олардың қатарында:
1.“Денсаулық” мемлекеттік бағдарламасы – халықтың денсаулығын жақсартуға және аурулардың алдын алуға бағытталған.
2.“Саламатты Қазақстан” ұлттық бағдарламасы – салауатты өмір салтын насихаттау, медициналық көмектің қолжетімділігін арттыру және аурулардың алдын алу шараларын күшейтуге бағытталған.
3.“Қазақстан-2050” стратегиясы – ұзақ мерзімді дамуды қамтамасыз ету үшін халықтың денсаулығын жақсарту мен медициналық қызметтердің сапасын арттыруды көздейді.Салауатты өмір салтының маңызды бөлігі – дұрыс тамақтану. Қазақстанда дұрыс тамақтану мәдениетін қалыптастыру мақсатында мектептер мен жоғары оқу орындарында арнайы бағдарламалар енгізілуде. Сондай-ақ, халық арасында дәрумендер мен пайдалы өнімдерді тұтынуды арттыру бойынша ақпараттық жұмыстар жүргізілуде.Дене белсенділігі де маңызды рөл атқарады. Елде спортпен шұғылдануға жағдай жасау үшін жаңа спорт кешендері, фитнес орталықтары мен жаяу жүру және веложолдар салынуда. Мемлекет бұқаралық спортты дамытуға ерекше көңіл бөлуде, түрлі марафондар, жарыстар және дене шынықтыруға бағытталған іс-шаралар ұйымдастырылуда.Темекі шегу, алкоголь мен есірткі заттарын тұтыну – денсаулыққа үлкен қауіп төндіретін факторлар. Қазақстанда зиянды әдеттермен күресу мақсатында бірқатар заңнамалық шаралар қабылданды, соның ішінде темекі өнімдеріне салықтың жоғарылауы, қоғамдық орындарда шылым шегуге тыйым салу және зиянды өнімдердің жарнамасын шектеу.Сонымен қатар, психологиялық денсаулықты сақтау маңызды. Қазіргі таңда Қазақстанда психологиялық кеңес беру қызметтері дамып, стрессті басқару мен менталды саулықты жақсарту бойынша бағдарламалар енгізілуде.
Қазақстандағы салауатты өмір салтын қамтамасыз ету және халықтың әл-ауқатын арттыру – мемлекет үшін маңызды міндет. Дұрыс тамақтану, дене белсенділігі, зиянды әдеттерден бас тарту және психологиялық саулықты сақтау – әрбір адамның өмір сапасын жақсартуға көмектесетін негізгі факторлар.Бұл бағытта мемлекет тарапынан көптеген шаралар қабылданып, халық арасында салауатты өмір салтын насихаттау жұмыстары жүргізілуде. Әрбір азамат денсаулығына жауапкершілікпен қарап, дұрыс өмір салтын ұстанса, Қазақстанның болашағы жарқын әрі дені сау ұрпақ тәрбиелеуге негізделген болмақ.
Оспанова Д.А
әл-Фараби атындағы ҚазҰУ-дың заң факультеті азаматтық құқық және азаматтық іс жүргізу,еңбек құқығы кафедрасының оқытушысы,заң ғылымдарының кандидаты,қауымдастырылған профессор
