Төтенше жағдайлар министрлігі 2025 жылдың су тасқыны кезеңіне дайындық барысы туралы айтты, — деп хабарлайды Massaget.kz тілшісі.
ТЖМ Атырау, Қызылорда, Түркістан облыстарында 2025 жылғы су тасқыны кезеңіне белсенді дайындауды жалғастырып жатыр.
Су тасқынының ықтимал салдарын болдырмау мақсатында жергілікті атқарушы органдар ТЖ департаменттерімен бірлесіп қорғаныс бөгеттері мен біліктерін тұрғызу және нығайту, су бұру арналары мен арықтар қазу, сондай-ақ жаңа нөсер жүйелері мен су өткізу құрылыстарын салу жөніндегі жұмыстарды жүргізіп жатыр.
Өңірлерді су тасқыны кезеңіне дайындау бойынша барлық жұмыстар ерекше бақылауда.
ТЖ министрлігі басқа мүдделі мемлекеттік органдармен бірлесіп, су тасқыны қаупін азайтуға бағытталған алдын алу шараларын іске асыруды жалғастырады және барлық қызметтердің ықтимал төтенше жағдайларға дайындығын қамтамасыз етеді.