Адам түгілі төрт аяқты жануардың өзіне құрметпен қарайтын. Тіпті, бар әлемді ұмытып, жайбарақат өзімен-өзі отырған аюға да қару кезеніп атпаған. Себебі қазақтың саятшылығына дейін тұнған тәрбие болатын. Оқыстан қолға түскен жануар арам саналатын. Бүгінгі аңшылар, табиғатта аясында демалыста жүретіндер мүсіркеуге ғана лайықты секілді. Себебі, олар қасқырды үйірімен қырып, қабанды үрім-бұтағымен жойып жіберуге арланбайды. Сөзіміздің дәлелі ретінде Абай облысы Үржар ауданында 2023 жылдың күз айларында болған оқиғаны айтуға болады. Үржар ауданында мүлдем аң аулауға болмайтынын біле тұра, жабайы қабанды іздеп, өздерімен бірге алып келген мылтықтарымен жабайы қабанды атып өлтірген. Заңсыз аңшылыққа бағытталған қылмыстық ойларын жүзеге асырып, осы іс-әрекеттерімен көзделген қылмыстық құқық бұзушылықты жасағаны үшін үш адам ұсталды. Ұсталған тұлғаларға Абай облысы Үржар аудандық сотының үкімімен ҚР ҚК-нің 337 бабы 3 бөлігімен 1 жылға бас бостандығынан шетеу жазасы тағайындалып, 3 жыл мерзімге аң аулау құқығынан айырылып, жыл сайын мәжбүрлі еңбекке тартылған. Қазақстан Республикасының ауыл шаруашылығы министірінің м.а. 27.02.2015 жылғы №18-03-158 бұйрығына сәйкес (250 айлық есептік көрсеткіш-АЕК) 1 293 750 теңге материалдық залал келтірген. Қазіргі уақытта заңсыз аң аулағаны анықталатын болса қылмыстық жауаптылық көзделетін болады.
Абай облысы бойынша ҚАЖД Үржар аудандық №1 пробация қызметінің аға инспекторы әділет майоры Мукитанова Эльмира Маратовна
