Бүгін Қызылорда қалалық пробация қызметінің психолог маманы әділет майоры Гүлзинат Жилкаманова және Қылмыстық жазасын өтеген адамдарды әлеуметтік бейімдеу орталығының психолог маманы Зарина Бисекова пробация есебіндегі тұлғаларды қабылдап, «Ақсұңқар» психодиагностикалық зерттеу аппаратымен азаматтардың психологиялық мінез-құлқын анықтады.
- Қабылдау барысында 20 азаматқа танысу, ой бөлісу, пікір алмасу кезеңдері бойынша зерделеу жұмыстары жүргізілді. Жыл басынан 300-ден астам есептегі азаматтар өткізілген. Алдағы уақытта басқа азаматтарды өткізілу жоспарлануда,-деді әділет майоры Г.Жилкаманова.
- Психолог маманның қабылдауында болып, психологиялық тестілеуден өттік.Психолог маман өткізетін семинар тренингтерге де қалмай қатысамын. Алға қойған арманым мен мақсатым бар. Біз сияқты аяғын шалыс басқан азаматтарға психологтың қолдауы керек. Толғандырып жүрген сұрақтарымды қойып, маманның кеңесін алдым. Аңғалдықпен жасаған қылмысыма өкінемін, енді қылмыс әлемінен бойымды аулақ ұстап, алдағы уақытта ата-анама көмектесіп, отбасылы болғым келеді,- дейді есептегі азамат.
