Жаңақорған ауданының дене тәрбиесі, спорт және туризм бөлімі және аудандық пробация қызметінің ұйымдастыруымен «Нашақорлыққа- жол жоқ» іс-шарасы аясында пробация есебіндегі тұлғалар арасында дойбыдан жарыс өтті.
Пробация есебіндегі азаматтардың бос уақытын тиімді пайдалану мақсатында ұйымдастырылған шараға 20-дан астам сотталған қатысты.
Шараға аудан әкімінің орынбасары Нуридинов Бектас Балғабайұлы, аудандық прокуратураның өкілі және пробация қызметі, аудандық дене тәрбиесі, спорт және туризм бөлімінің мамандары қатысып, жарысқа қатысушы азаматтарға сәттілік тілеп, жеңіс тұғырынан көріне берулеріне тілектестік білдірді.
Тартысты өткен додада азаматтар өзара ынтымақтастық пен достық қарым-қатынас орнатып,бір-біріне қолдау көрсетті. Әрбір қатысушы ойын барысында өздерінің шеберліктерін көрсетіп, жеңіске жету үшін бар-күш жігерін салды. Турнир жеңімпаздарына арнайы дипломдар мен сыйлықтар табысталып, барлық қатысушыларға алғыс білдірілді.
Бүгінгі жарыста жеңімпаз атандым. Бала күнімнен спорттық жарыстарға қатысушы едім, соның пайдасы тиді. Дойбы логиканы қажет ететін ойын, сондықтан асықпай ақыл-ой қабілетімді қосып, қарсыластарымды басып оздым. Алдағы уақытта осындай шаралар жиі ұйымдастырылса қатысатын боламын. Бізге керемет көңіл күй сыйлаған ұйымдастырушыларға алғысым шексіз,- деді есептегі азамат.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
