Түпқараған аудандық пробация қызметкерлері қылмыстық әрекеттерді алдын алу барысында іс-шаралар ұйымдастырып, есепте тұрған сотталғандармен профилактикалық әңгіме-сұхбаттар жүргізіп келеді. Яғни есепте тұрған сотталғандарды жеке-жеке тексеріп, жаза өтеу ережелерін бұзбауға, пробация қызметінің рұқсатынсыз тұрғылықты жерін ауыстырмауға, сот жүктелген міндеттерін орындауға, сонымен қатар бекітілген кестеге сай түнгі уақытта үйден шықпауға шақырды. Сонымен қатар, есепте тұрған тұлғалармен құқық бұзушылықты және қылмысты қайталануын болдырмау мақсатында түсіндірме жұмыстары жүргізілді.
— Бұл іс-шараны пробация қызметкерлері ҚР қолданыстағы Қылмыстық-атқару заңнамасының қағидаттарын нақты сақтай отырып өткізеді. Профилактикалық әңгімелесу жүргізуді тексеру барысында пробация қызметкерлері сотталғандардың құқыққа бағынушылық және белсенді қоғамдық–пайдалы мінез — құлқына әсер етеді және ынталандырады, — деп атап өтті әділет аға лейтенанты Гүлмира Чулдакова, Түпқараған аудандық Пробация қызметінің инспекторы.
