Президент Қазақстан мен БАӘ арасындағы келісімді ратификациялады, — деп хабарлайды Massaget.kz тілшісі.
«Мемлекет басшысы «Қазақстан Республикасының Үкіметі мен Біріккен Араб Әмірліктерінің Үкіметі арасындағы жел электр станциясы жобасын іске асыру туралы келісімді ратификациялау туралы» Қазақстан Республикасының заңына қол қойды», — деп жазылған хабарламада.
Айта кетейік, бұған дейін Жамбыл облысында қуаты 1 ГВт болатын жел электр станциясының құрылысы жоспарланып отырғаны хабарланған болатын. Электр станциясы қатты жел кезінде артық энергияны жинақтауға және оларды сұраныс жоғары уақытта желіге бағыттауға мүмкіндік береді.
