Жамбыл облысы әкімдігінің білім басқармасының Өмірлік қиын жағдайдағы балаларды қолдау орталығында «Алғыс айту» күніне арналған іс-шараға Жамбыл облысының кәмелетке толмағандардың істері жөніндегі мамандандырылған ауданаралық сотының судьясы Д.Е.Байназаров қатысты
Аталған іс-шараға басқа да мелекеттік мекеме басшылары мен өкілдері қатысты.
Бұл мерекенің мақсаты өскелен ұрпақтың бір-біріне құрмет пен достық сезімдерін тәрбиелеу,сондай-ақ Қазақстанда этносаралық келісім мен ұлтаралық қатынастарды нығайту болып табылады.
Тәрбиеленушілер жиналғандардың барлығына өте жоғары деңгейде театрландырылған қойылымдар мен концерттік бағдарлама ұсынып, концерттік бағдарлама соңында жиналғандар орындарынан тұрып, қызу қол шапалақтады. Сөз алған ювеналды соттың судьясы Д.Е.Байназаров «Алғыс айту күні» – ерекше мереке, қазақстандықтардың достық пен өзара көмектің шынайы құндылықтарына деген бірлігі мен адалдығының нағыз символы екенін атап өтті.
Іс-шара соңында Д.Е.Байназаров балаларға тәттілер сыйлап, ең бастысы денсаулық, бұлтсыз ашық аспан, бақытты балалық шақ тіледі.
Өз тілшіміз
