ҚАЖ комитетінің нұсқауын сапалы орындау, Қазақстандық қоғамның құндылықтарын сіңіру, ұлттық бірегейлікті нығайту және арттыру мақсатында Атырау облысы бойынша ҚАЖ департаментінің 79 мекемесіндегі жазасын өтеуші сотталған азаматшаларға
Атырау облысы Қазақстан халқы Ассамблеясының қатысуымен “Өміріңді жақсартуға ешқашан да кеш емес” атты тренинг өткізілді. Бұл тренингке ҚР адам құқықтары жөніндегі Атырау облысының өкілі, мекеме қызметкерлері, Атырау облысы Қазақстан халқы Ассамблеясы «Алтын шанырақ» Аналар кеңесінің мүшелері және Атырау облысы Ішкі саясат басқармасының «Қоғамдық келісім» КММ –нің Қазақстан халқы Ассамблеясы құрылымдарымен жұмыс және қоғамдық-көпшілік шараларды ұйымдастыру бөлімінің басшысы қатысты.
Бұл шара «Отбасылық құндылықтарды дәріптеуде ана мен келіннің Ұлттық киелі кимешектің ұстанымы» тақырыбында басталып, «Салауатты қарым-қатынастарды дамыту», « Отбасылық құндылықтар, «Ата-ананың қамқорлығы», «Қолдау және қоғамдастық» тақырыптарында психологиялық тренингпен аяқталды. Мекемеде жазасын өтеуші сотталған азаматшалар оң нәтижелі болып, ұйымдастырушылар мен қатысушыларға алғыстарын айтып, бұндай шаралар кеңінен жалғасын табатындығына сенімдерін білдірді.