Нұр-Сұлтанда 130 миллион теңгенің биткоинын ұрлаған күдікті ұсталды, — деп хабарлайды Tengrinews.kz тілшісі «Хабар-24» телеарнасына сілтеме жасап.
Ол мегаполис тұрғынының электрон әмиянына алаяқтық жолмен қол жеткізіп, үш ай бойы ақша алып отырған.
Күдікті қазір тергеу изоляторында отыр. Ол 10 жылға дейін бас бостандығынан айырылуы және мүлкі тәркіленуі мүмкін.
Полиция қызметкерінің айтуынша, кейінгі үш жылда онлайн-биржада криптовалютаға байланысты алаяқтық дерегі он есе өскен. Ал залал сомасы жүздеген миллион теңгеге дейін жеткен.
