Қазастан Республикасы Мемлекетік қызмет істері агенттігінің Алматы қаласы бойынша департаменті ұжымымен Алматы қаласы бойынша Мемлекеттік мүлік және жекешелендіру департаментіне шығып семинар-кеңес өткізілді.
Күн тәртібінде, Қазақстан Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралар туралы түсіндірме жұмыстары жүргізілді.
Талқылау барысында пікір-таластар болды. Әдеп нормалары жан-жақты қызу талқыланып, сұрақтарға тұшымды жауаптар берілді.
Сұрақ-жауап барысында, лудомания мәселесі талқыланды. Мемлекеттік қызметшілердің қызметтен тыс уақытта ойын құмарлыққа салынбауы бойынша, мемлекеттік қызметшілер қызметтен тыс уақытта жалпыға бірдей қабылданған моральдық-әдептілік нормаларын ұстануға, кішіпейілділік танытуға, тиісті көрсетілетін қызметтерді алу кезінде өзінің лауазымдық жағдайын баса көрсетпеуге және пайдаланбауға, қоғамдық имандылыққа қолсұғумен ұштасқан қоғамға қарсы мінез-құлық жағдайларына жол бермеуге тиіс екендігі айтылды.
Ұжымдағы моралді-психологиялық ахуалдың жағдайын анықтау мақсатында анонимді түрде сауалнама жүргізіліп, департаменттің әдеп жөніндегі уәкіліне орындау үшін тапсырылды.
Мемлекеттік қызметшілердің қызметтік әдебінің стандарттарын белгілейтін және қоғамның мемлекеттік органдарға деген сенімін нығайтатын, мемлекеттік қызметте өзара қарым-қатынастың жоғары мәдениетін және парасаттылық атмосферасын қалыптастыратын, сондай-ақ мемлекеттік қызметшілердің әдепсіз мінез-құлық жағдайларының алдын алуға бағытталған шаралар кемінде тоқсанына бір өткізіліп отыру керектігі ескертіліп, түсіндіру жұмыстары алдағы уақыттарда жалғасын табатын болады.
ҚР Мемлекттік қызмет істері агенттігінің
Алматы қаласы бойынша департаментінің
Мемлекеттік қызмет саласы бойынша
Бақылау басқармасының бас маманы
Қошатаев Сәбит Рысбекұлы
