Қызылорда облысының атынан өнер көрсеткен Мақсат Исағабылов «Қазақстан Барысы – 2022» сайысының чемпионы атанды, деп хабарлайды Stan.kz ақпарат агенттігі.
Финалдық кездесуде Исағабылов маңғыстаулық Нұрдәулет Жарылғаповпен күресті. Исағабылов 1 минут 52 секундта таза жеңіспен жеңді. Мақсат Исағабыловтың салмағы 120 келі, ал қарсыласының салмағы 148 келіге тең.
Ғалымжан Қырықбай қарсыласы жарақат алғандықтан, күреспей-ақ үшінші орынды иеленді.
Жапыстағы жеңісі үшін Исағабылов 25 миллион теңге, Жарылғапов 5,5 миллион теңге, ал Қырықбай 1,8 миллион теңге алды. Сонымен қатар чемпионға алтын белбеу мен алтын тайтұяқ табысталды.
