Құқықтық мемлекет құрудың басты шарты – заң үстемдігі. Ал заңдардың бәрінен биік тұрғаны – Конституция. Бүгінгі таңда еліміздің негізгі заңын қорғап, оның орындалуын қамтамасыз ететін ең жоғарғы орган – Конституциялық сот.
Конституциялық соттың міндеті – қабылданған заңдар мен өзге де нормативтік актілердің Конституцияға қайшы келмеуін қадағалау. Егер қайшылық анықталса, ол құжаттың күші жойылады. Бұл – Конституцияның қоғамдағы айрықша рөлін көрсететін маңызды тетік.
Сонымен қатар қарапайым азаматтар да өз құқығы бұзылды деп есептесе, тікелей Конституциялық сотқа жүгіне алады. Бұл – халықтың құқықтық мәдениетін арттырып, әрбір адамның әділдікке сенімін күшейтетін қадам.
Конституциялық соттың тағы бір маңызды қызметі – мемлекеттік билік тармақтарының арасындағы дауларды шешу. Бұл – демократиялық қоғамның тұрақтылығын қамтамасыз ететін маңызды фактор.
Айта кетерлігі, Конституциялық сот ешқандай билік тармағына жатпайды, ол – тәуелсіз орган. Оның шешімдері түпкілікті әрі барлық мемлекеттік органдар үшін міндетті.
Бүгінде Конституциялық сот – Қазақстандағы демократиялық дамудың кепіліне айналып отыр. Оның тәуелсіздігі мен әділ шешімдері – қоғамның құқықтық мәдениетін арттыратын басты тетік.
Қарақия аудандық сот әкімшісінің
бас маманы сот отырысының хатшысы А.Бекмуратоваға
