26 шілдеден бастап Алматы қаласы Жастар саясаты басқармасының қолдауымен ашылған Skill All әлеуметтік жобасы жүзеге асырылып келеді. Жобаның мақсаты — мегаполистің жас тұрғындарын заманауи және сұранысқа ие мамандықтар бойынша тегін оқытып, олардың жеке және кәсіби дамуына жол ашу.
Бес айдың ішінде Skill All жобасына 16–35 жас аралығындағы 2000-нан астам адам қатысты. Курстар 2–5 аптаға созылады және IT, SMM, PR бағыттарынан бастап бариста, кондитерлік және риелторлық іс сияқты түрлі салаларды қамтиды. Цифрлық технологиялар болсын немесе қолданбалы мамандықтар болсын мұндай кең таңдау әрбір қатысушыға өзіне қызықты бағытты табуға мүмкіндік береді.
Жоба аясында практикалық дағдыларға ерекше көңіл бөлінеді. Қатысушылар тек теорияны ғана емес, нақты жұмыс процесін де меңгереді, бұл олардың еңбек нарығында өздерін сенімді сезінуіне көмектеседі. Оқыту аяқталғаннан кейін жастар жұмысқа орналасу кезінде үлкен артықшылық беретін біліктілікті растайтын сертификаттар алады.
«Skill All — бұл жай ғана курстар емес, бұл — өзіңе деген сенімділікті арттыратын, жаңа мамандықты меңгеруге және табысты маман болуға мүмкіндік беретін жоба. Біз жастардың сабақтар барысында ашылып, өз ісін табуға ұмтылыс білдіріп және болашаққа деген нық қадамдарын көріп отырмыз»,— деп жоба ұйымдастырушылары атап өтті.
Бүгінде жоба мемлекеттік қолдау мен жастар бастамасы қала тұрғындарының өмірін қалай өзгерте алатынының жарқын мысалына айналды. Skill All жас буынға тек мамандық меңгеруге ғана емес, алға ұмтылуға, өзінің дағдыларына сенімді болуға және әрбір жаңа мүмкіндіктерді пайдалануға шабыт береді.
