Ішкі істер министрі кімдердің жалақысы көтерілетінін айтты

Ішкі істер министрі Ерлан Тұрғымбаев барлық құқық қорғау органының арнайы жасағы қызметкерлерінің жалақысы өсетінін мәлімдеді, — деп хабарлайды Tengrinews.kz тілшісі.

«5 іс-шараны іске асыру бойынша шаралар қабылданып жатыр:

  • Барлық құқық қорғау органының арнайы бөлімше қызметкерлерінің жалақысын ұлғайту. Қазір ІІО арнайы күштері қызметкерлерінің жалақысы олардың қызметте болу қаупіне сәйкес келмейді.
    Сонымен қатар, ол басқа күш құрылымдарының ұқсас бөлімшелері арасында төмен. Сондықтан олардың жалақысын көтеру ұсынылады.
  • 1414 сенім телефоны жұмыс істейді. Call-орталығы арқылы полицияға хабар-ошарсыз кеткен адамдарды іздеу бойынша 1616 хабарлама түсті. Әрқайсысы мұқият тексеріледі.
  • Күш құрылымдарының материалдық-техникалық базасын қалпына келтіру. Барлығы 504 қызметтік көлік зақымданса, оның 169-ы өртенген. Ұлттық ұланның 118 бронтехникасы істен шыққан, оның 42-сі қалпына келтіруге жатпайды. Аумақтық полиция бөлімшелерінің 35 ғимараты зардап шекті, оның 18-і өртенді (зиян сомасы 6,7 миллиард теңге).
  • Тұрғын үймен қамтамасыз етуді, білім алуды қоса алғанда, қаза тапқан құқық қорғау, арнайы органдар қызметкерлерінің, әскери қызметшілер мен бейбіт азаматтардың отбасыларына көмек көрсету. Қаза тапқан полицейлер мен ұлттық гвардия әскери қызметшілерінің тізімі Мемлекет басшысының тапсырмасына сәйкес лайықты материалдық қолдау көрсету үшін Алматы, Алматы, Жамбыл, Қарағанды облыстарының әкімдіктеріне жолданды. Сонымен қатар, бірқатар ұйым оларға қаржылай көмек көрсетуге (кредиттерді өтеуге) ниет білдірді.
  • Жаппай тәртіпсіздіктердің құрбаны деп танылған кәсіпкерлік субъектілері мен азаматтар тізілімін қалыптастыру», — деді министр Тұрғымбаев үкімет отырысында.

Бостандық ауданында тоғызқұмалақтан BOSTAN CUP турнирі өтті

18 қараша күні Алматы қаласының Бостандық ауданында ұлттық зияткерлік...

Қазақстанның агроөнеркәсіптік кешені:жетістіктері мен даму мүмкіндіктері

Қазақстан – ауыл шаруашылығы саласын дамытуға зор мүмкіндігі бар...

АБАЙ УНИВЕРСИТЕТІНДЕ ПОЛЯК ОРТАЛЫҒЫ АШЫЛДЫ

Бүгін Абай университетінде Польша тілі мен мәдениеті орталығының салтанатты...

Личность, аналитичность и профессионализм 

ВСЕ ПРОФЕССИИ ПОЛИЦЕЙСКОЙ СЛУЖБЫ ТРЕБУЮТ ОСОБОЙ ОТВЕТСТВЕННОСТИ, КОМПЕТЕНТНОСТИ, ПРИНЦИПИАЛЬНОСТИ...