Ішкі істер министрі Ерлан Тұрғымбаевтың тапсырмасы бойынша ҚР ІІМ М.Есболатов атындағы Алматы академиясында «Полиция және БАҚ: өзара іс-қимыл және қарсы іс-қимыл, ақпарат және жалған ақпарат»т ақырыбында дөңгелек үстел өтті. Конференцияға қатысушылар қаңтардағы оқиғалар туралы ақпаратты қайта тексеруге және тек сенімді ақпаратты таратуға шақырды, — деп хабарлайды Tengrinews.kz тілшісі Рolisia сайтына сілтеме жасап.
Іс-шараға Алматы қаласы ведомствосының, академиясының және Полиция департаментінің қызметкерлері, сондай-ақ, адам құқықтары жөніндегі уәкіл, БАҚ, жергілікті билік органдарының өкілдері және қоғамдық пікір көшбасшылары қатысты.
Дөңгелек үстел барысында кейінгі уақытта сенімсіз, жалған ақпарат таралып жатқаны айтылды. Ақпараттық шабуылдар мен жалған деректер, арандатушылық тақырыптарды ашу әлеуметтік шиеленісті тудырады және ішкі саяси жағдайды тұрақсыздандыруға әкеп соғады. Бұған мысал ретінде қаңтардағы оқиғаларға байланысты жалған материалдар жатады.
Кездесуге қатысушылар ішкі істер органдарының бұқаралық ақпарат құралдарымен өзара іс-қимылы, сондай-ақ, ақпараттың ашықтығы пен полицияның ашықтығы мәселелерін талқылады.
«Бүгін деструктивті, теріс, әділетсіз, жалған ақпарат туралы айтып отырмыз. Оның еркін таралуы қоғамның бөлінуіне, оппозицияның, сенімсіздіктің, хаостың өршуіне әкелуі мүмкін. Кейбір кәсіпқойлар өздерінің тұжырымдарын беріп, полицейлердің кәсібилігіне күмәін келтіріп, көңілге күдік ұялатады. Мұндай сарапшы өз саласында білікті болуы мүмкін, бірақ полицияның іс – әрекетіне қатысты ол қатты қателеседі», — деді Алматы әкімі жанындағы отбасы істері және гендерлік саясат жөніндегі қалалық комиссияның мүшесі Айгүл Шөпшекбаева.
ІІМ имидждік және идеологиялық жұмыс департаментінің бастығы Альбина Махамбетованың айтуынша, жалған ақпараттың теріс әсерін азайту және халықты нақты жағдай туралы толық жедел хабардар ету үшін полиция мен БАҚ арасында тығыз өзара іс-қимыл және ынтымақтастық ұйымдастырылған.
«Polisia.kz ақпараттық медиа-порталы 2 жылдан бері жұмыс істеп келеді, онда бөлімнің және оның бөлімшелерінің жұмысы туралы сенімді ресми ақпарат жарияланады. Баспасөз қызметі барлық БАҚ өкілімен тығыз байланыста. Апта сайын Министрліктің әлеуметтік желілерінде тікелей эфирде брифингтер өткізіледі. ІІМ және оның аумақтық бөлімшелерінің парақшаларына жазылушылар саны миллион адамға дейін артты», — деді Альбина Махамбетова.
Спикерлердің айтуынша, қазір әрбір ПД, ПБ-да фронт-кеңселер ашылған. Азаматтарды қабылдау тұрақты түрже жүргізіледі. Учаскелік инспекторлардың тұрғындармен жалпы чаттары жұмыс істейді.
Іс-шарада БАҚ-та құқықтық тәртіпті қамтамасыз ету, азаматтардың қауіпсіздігі, олардың заңды құқықтары мен мүдделерін қорғау, сондай-ақ, полиция қызметі мәселелерін жариялау мәселелері талқыланды. Тараптар дағдарыс және төтенше жағдайларды жариялау кезінде ақпараттық кеңістіктегі өзара іс-қимыл құралдарын әзірлеу қажет екенін айтты.