Халықаралық бокс федерациясы (IBF) қазақстандық боксшы Жәнібек Әлімханұлын орта салмақтағы әлем чемпионы атағынан айырды. Бұл туралы 10 наурызда кешке Қазақстанның кәсіби бокс федерациясының президенті Рахымжан Ерденбеков хабарлады, — деп жазады Tengri Sport.
«Бүгін бір сағат бұрын IBF шешім шығарды. IBF-тің қатаң ережелері бар, олар өз хатында осыған сілтеме жасады. Олардың хатына сәйкес, Жәнібек Әлімқаұлы 2026 жылдың 2 желтоқсанына дейін шеттетілді. Олардың ережелерінде кез келген салмақ дәрежесіндегі кез келген чемпион өз белбеуін тоғыз ай бойы қорғауы керек деп көрсетілген, яғни Жәнібек оны 2026 жылдың 4 шілдесіне дейін қорғауы керек.
Қазіргі жағдайға байланысты, 2026 жылдың 5 наурызында IBF директорлар кеңесі титулды дереу бос деп жариялау туралы шешім қабылдады.
Федерация президенті ретінде мен бұл жағдай Жәнібектің командасына үлкен сабақ берді деп санаймын. Дегенмен, ол биыл үлкен рингке одан да күштірек оралады және жақын арада төрт әлем титулын да жеңіп алады. Жәнібектің командасы бұл іс бойынша апелляциялық шағым түсіреді», — деді Ерденбеков.
Еске салайық, 2025 жылғы желтоқсанында Жәнібек Әлімханұлы допинг-тесттен өте алмай қалған. Сондай-ақ Қазақстанның кәсіби бокс федерациясы оны алты айға жекпе-жектерден шеттетті.
Соңғы дисквалификацияға қарамастан, Әлімханұлы әлі де WBO нұсқасы бойынша орта салмақтағы әлем чемпионы. Ақпанда ұйым оң допинг-тестіне байланысты оны бір жылға — 2026 жылдың 2 желтоқсанына дейін шеттеткен.
