Google компаниясы Chrome OS Flex операциялық жүйесін таныстырды, — деп хабарлайды Tengrinews.kz тілшісі компанияның сайтына сілтеме жасап.
Жаңа жүйе — ескі компьютерлер мен ноутбуктерге арналған және оларды қолданатын компаниялар мен мектептерге бағытталған Chrome OS-нің жеңіл нұсқасы.
Google қызметкері ескі жүйелерді Windows немесе macOS-ты Chrome OS Flex-ке ауыстыру арқылы жандандыруға болатынын айтты. Бұл ескі жабдықтардың ұзақ жыл бойы тұрақты жұмыс істеуіне мүмкіндік береді.
Gizmochina мәліметінше, ОЖ бірнеше минут ішінде орнатылады және 13 жылға дейінгі құрылғыларда тиімді жұмыс істейді. Бұл ескі ноутбукты Chromebook-қа айналдыруға мүмкіндік береді.
Жүйені орнату үшін сауалнамаға деректерді енгізу керек, ал содан кейін Google орнату нұсқаулығын жібереді. Орнатудың үшін тек ОС жүктелетін USB флэш-дискі қажет. Бұл жағдайда кейбір функциялар қолжетімді болмауы мүмкін, өйткені бәрі аппараттық құралға байланысты болады.
Былтыр Google Android операциялық жүйесінің жаңартылған нұсқасын жариялаған еді.
