Сот жүйесінде әділдік пен сенімділікті қамтамасыз ететін ең маңызды құралдардың бірі –этика. Бұл тек заң нормаларын сақтау емес, әрбір маманның кәсіби, моральдық және адамгершілік жауапкершілігі.
Сот этикасының мәні:
Әрбір сот қызметкері-судья, хатшы немесе кеңсе қызметкері-сенім мен адалдықтың үлгісі болуы тиіс.
Әділ сот шешімдері заңға сүйенеді, ал этикалық қағидалар-қоғам алдында қабылдануына кепілдік береді.
Этикасыз заң тек қағазда қалады, ал нақты өмірде әділеттілікті қамтамасыз ете алмайды.
Сот хатшысы үшін этика:
Материалдарды толық әрі дұрыс рәсімдеу;
Қатысушылардың құқықтары мен мүдделерін құрметтеу;
Құпия және жеке ақпараттарды сақтай білу;
Жеке немесе партиялық қызығушылыққа жол бермеу;
Этиканың маңызы-сот әділдігін судья орнатады, ал оның сенімділігі-этикалық нормаларды ұсынатын әрбір қызметкерге байланысты.
Әр хатшының кәсібилігі мен адалдығы-қоғамның сотқа сенімін арттырады.
Этика-сот төрелігінің тірегі, кәсіби абыройдың кепілі.
Д.А.Зинешова, Қазақстан Республикасы Сот әкімшілігінің Кассациялық соттар департаменті азаматтық істер жөніндегі кассациялық соттың сот ісін жүргізуді қамтамасыз ету бөлімінің бас маманы-сот отырысының хатшысы
