Қызылорда қаласындағы пробация қызметінің есебіндегі азаматтар арасында дойбыдан, шахматтан жарыс өтті. Жарыстың мақсаты пробация есебіндегі сотталғандардың салауатты өмір салтын ұстануға шақыру, бос уақыттарын тиімді ұйымдастыру.
«Жігер» мүгедектер қоғамдық қорының ұйымдастыруымен өткізілген шараға пробация есебіндегі 20 сотталған қатысты. Шаршы тақтада өз бақтарын сынаған сотталғандар жоғары дайындықпен келгендіктерін көрсетті.
Қызықты да тартысты өткен жарыста жеңімпаздар анықталып, ұйымдастырушылар тарапынан қаржылай сыйлықтар табысталды.
«Спортпен айналысқан адамның денсаулығы мықты, өзі шыдамды болады. Бала кезімнен спортты жаныма серік еткенмін. Мәдени- спорттық шараларға жиі қатысып тұрамын. Бүгінгі жарыста қарсыластарым да осал болмады. Жарыс қорытындысымен жеңімпаз атандым,ақшалай сыйлық алдым, ұйымдастырушыларға алғысым шексіз»,- деді есептегі азамат.
Қызылорда облысы бойынша Қылмыстық-атқару жүйесі департаменті
