Қоғамымызда өзінің көпке үлгі ісімен, қайырымды әрекетімен, елдің дамуына сіңірген еңбегімен көзге түсіп жүрген жандар жетерлік. Олар көбінесе өзінің әрекетінің сөз болғанын, көптің назарына іліккенін ұната бермейді. Дегенмен жақсылықтың айналаға үлгі болғаны, қайырымды істің көптің назарына түскен, бейбіт күннің батырының еңбегі еленгені дұрыс ақ!
Осы орайда жақында «Аманат» партиясының қолдауымен өткен дөңгелек үстелде қоғамның дамуына үлесін қосып жүрген бір топ азаматтарды қоғам қайраткері, Бауыржан Момышұлы атындағы “Намыс” төс белгісінің иегері Құйқабаев Дидар Аскербекұлы «Ел жанашыры», «Намыс», «Батыр шапағаты» төсбелгілерімен марапаттады.
Ал «Аманат» партиясының Жетісу аудандық филиалының төрағасы Ерлан Давов мырза Алғыс хат тапсырды.
Атап өтер жайт, қашан да «Ерліктің еленгені, еңбектің ақталғаны жақсы». Сондықтан марапатталған азаматтардың қуанышы ұзағынан болғай!
